الاندرويد نظام تشغيل يعنى ايه نظام تشغيل ؟!
هقولك دلوقتى اللاب او جهاز الكمبيوتر اللى
عندنا فى البيت ده عليه الويندوز اللى هو نظام تشغيل
اللى بيشغل الكمبيوتر وبيتعامل مع كل حاجه فيه
وبنقدر ننزله برامج والعاب وكل حاجه تمام
اهو برضه الاندرويد ده نظام تشغيل بس للموبايلات
و التابات هتسألينى وتقولى طب ايه الفرق
ماكل الموبايلات من زمان عليها نظام تشغيل بيشغلها
وبينزل عليه برضه برامج قليله كدا وشويه العاب على القد ؟!
هقولك كلامك مظبوط لكن لكل شركه بتنتج موبايل
نظام خاص بيها يعنى مثلا نوكيا نظمها اسمه
Symbian عندك بلاك بيري ليها نظام لوحده اسمه
Blackberry OS برضه ال آى فون نفس الكلام نظامها اس مهIOS
ايه الفايده من الاندرويد هقولك هو مثلا انتى معاكى
موبايل سامسونج بتاع زمان ده وواحده معاها نوكيا
ينفع تنقلو برامج من بعض او بمعنى اصح ينفع البرامج
اللى على نوكيا تنزل هى هى على السامسونج
لا مينفعش لازم الشركه تعمل هى البرنامج وتنزله
اهو الاندرويد بقي جيه عشان كدا ده نظام عادى
بينزل على كل الموبايلات
يعنى دلوقتى تلاقي سامسونج وإل جى وانواع
كتير تانى عليها نفس النظام اللى هو اندرويد......
......
الاندرويد ده عمل ثوره فى الموبيلات دلوقتى مبقاش
يفرق انا هجيب موبايل سامسونج ولا ال جي
لان السوفت وير بتاعهم بقي واحد خلاص دلوقتى نفس البرامج اللى بتنزل
على ده هى اللى بتنزل على التانى والتالت
والاندرويد ليه حاجه اسمها store زي محل كدا
بينزل مع كل موبايل واكبر ستور طبعا هو Google Play
ده بقي اللى عليه البرامج اللى بنزلها كلها مبقناش
محتاجين نروح الشركه مثلا نقولها اعملى برنامج
شات مثلا عشان ننزله دلوقتى اى حد بقي بيعمل
برنامج بيقدر يرفعه على الاستور والكل ينزله مع
اختلاف نوع الموبايل والاندرويد انواع
وهنلاقي كل نوع باسم حلويات يعنى
آيس كريم ساندوتش اكلير ودوناتس
ومحدش عارف ايه السر فى التسميه دى
لحد دلوقتى لكن لو تلحظوا تحسو إنها
مترتبه ترتيب ابجدي
ده بقي الاندرويد اللى علي الموبايلات
{للأمانه منقوول}
الموضوع الأساسي: الاندرويد معنى الاندرويد أهميه الاندرويد انواع الاندرويد
المصدر: منتديات عروس
via عروس http://ift.tt/1hiVhBV
Aucun commentaire:
Enregistrer un commentaire