السلام عليكم اخواتي شحالكن،
اليوم حبيت اطرح موضوع خطير بخصوص التلفونات اللي تشتغل على نظام الاندرويد واللي هن ( سامسونغ (جلكسي) و lg.htc,sony
كنت ادخل المنتدى قبل و استفدت منكم وايد الصراحه، بس اليوم سويت كمن بحث في الانترنت عشان تفهمون الموضوع بشكل اكبر و سويت لي حساب عشان
انبهكن لاني احسكم مجتمعين على ايد وحده لحل مشاكلكم وحبيتكم في الله
قبل كمن اسبوع كنت ويا ربيعتي في باباروتي ويالسات نصور الاكل في برنامج الكيك كالعاده ههههه المهم تمت توصل الااايكات على صديقتي الصدووق وهي مستانسه عقب كمن دقيقه في واحد حسبي الله عليه استفزها وتم يحط عليها
وينرفزها ،المهم ربيعتي عصبت وردت عليه الصاع صاعين ( ملسوونه هههه) الريال اذكر نكه بس ما بحطه في المنتدى ،المهم بعد يومين حطينا فيديو ثاني لاننا كنا طابخات للعشا وبنفس الفيديو وصلني تعليق وواحد حاط رابط شبييه لليوتيوب وانا على نياتي فتحته كان كاتب ( هاذا تعليقي على اكلج شوفيه )
المهم اول ما فتحت الرابط يا خواتي بغيت اموت
طلعت لي صفحه سودا وتم تلفوني معلق وسويت له رستارت،اول ما فتحته وصلت لي رساله على الوتس اب و اول ما فتحت الرساله انصعقت
كان مكتوب فيها ،انا فلان اللي وديتي علي في الفيديو وانا بعاقبج اليوم، اول ما شفت الرساله سكرت التلفون وحطيت رقم ثاني لاني خفت منه يسوي فيني شي ،و الصدمه الكبرا اني اول ما فتحت التلفون شفت التلفون بكبره مفرمت ،صوري ، برامجي ،،العابي كلها راحت ( الحمد الله اني ماكنت مخزنه ارقام اهلي ومب حاطه صور ويهي وصور اهلي ) ومن هاك اليوم تبت وتعمقت في هاذي السوالف وقمت ابحث لمدة اسبوعين في النت عشان اتثقف اكثر و اعرف هاي السوالف،، ،،،،،،
خواتي نظام الاندرويد هو نظام مفتوح المصدر وليس مغلق المصدر حاله حال نظام الوندوز
ومعنى نظام مفتوح المصدر هي ان اي شركه تقدر تستخدم نظام الاندرويد لأجهزتها و اكبر دليل هو ،ان كل شركه يديده تفتح تشوفون نظام الاندرويد موجود على اجهزتها و اكبر دليل الاجهزه اللي موجوده في السوق الصيني كل اجهزتهم من اللي تشبه الايباد و التلفونات تعمل بنظام الاندرويد ،
وبمعنى ثاني
الاندرويد شبيهه للوندوز يفتقر للحمايه (لانه مفتوح المصدر )
و ios اللي متواجده في الايفون و الايباد ومنتجات ابل بشكل عام شبيهه لانظمه الينكس ،اللي تستعملها اغلب الحكومات العالميه لان حمايتها قويه ،وهي من نوع ( النظام مغلق المصدر )
بتقولون شو الفرق بين نظام مفتوح المصدر ونظام مغلق المصدر ؟
نظام مفتوح المصدر يقدر اي حد في العالم يصنع تلفون خاص به ويحط نظام الاندرويد عليه مع دفع تكلفه النظام للشركه الأم اللي هي ( قوقل )
وهاذا النظام قابل للتعديل من قبل المطورين اللي هم خارج الشركه الأم وبنفس الوقت قابل للتحكم من قبل الهكر لان ملفات النظام كلها مفتوحه وسهله
اما النظام المغلق نوعين ، نوع من الانظمه اللي تبيعها الشركه الام مثل ( نظام لينكس ) و النوع الثاني اللي هو نظام ( ios) اللي متواجده في منتجات ابل و كمبيوتراتهم وهي مغلقة المصدر !يعني الشركه الأم هي اللي لها الحق انها تعدل على النظام فقط !
احذروا احذروا احذروا من نظام الاندرويد لانه نظام سهل الاختراق
لا اييكم راعي المحل ويغركم بكلامه ويقول لكم ان الجلكسي او النوت او اي تلفون يشتغل بنظام الاندرويد والي ذكرت اساميهن فوق ،يقول لكم ان الالعاب و البرامج اكثرها ببلاش و الايفون و الايباد و الايبود برامجهم بفلوس ( صح انه شي برامج بفلوس بس ب اسعار رمزيه 3 دراهم للبرنامج وسعر التلفون مش اقل عن 2000 درهم ! وشي بطايق اسمها itunes card موجوده في المحلات لشرا البرامج هاذي )
نظام الاندرويد اللي موجود في الهواتف ( جلكسي و النوت والسامسونغ بشكل عام والتلفونات لللي ذكرتها فوق ) بعد استعماله بفتره شهرين او ثلاث يبدا التلفون يعلق ! لان اكثر البرامج المجانيه يكون فيها اعلانات لو لاحظتوا و اكثر هاذي الاعلانات عباره عن فايروسات تعلق بالجهاز ! والهكرز عندهم المقدره انهم يوهمون الشخص ب اعلان حلو يلفت الشخص عشان يفتحه مثل اللي صار ويا اختنا
الحذار يا بنات صدقوني انصحكم لوجهه الله انكم تخبرون الاشخاص اللي يستعملون هاذي الهواتف بالذات اللي يستخدمن الانستغرام و البرامج الاجتماعيه مثل الفيس بوك و التويتر
الكل يحب يواكب التطور بس التطور لازم نستعمله صح ونحاذر منه وما عليكن من الناس اللي يواكبون الموضه ويركضون ويمدحون السامسونغ و الاندرويد ،فهموا اللي ينصحكم بهاذا الخبر
واللي بتقول انها مب متعوده على الايفون ترا عادي هي مسأله وقت وبتتعودين
نصيحه اللي عنده هاذي التلفونات يتخلص منها وياخذ له تلفون ايفون ويرتاح من عوار الراس و الفضايح تحملوا على عماركن من هاي التلفونات لان الاكثريه عندهم فيس بوك و تويتر و انستغرام وما تعرفين منو اللي ضايفتنه وهل هو هكر ولا انسان عادي
مع السلامه
اليوم حبيت اطرح موضوع خطير بخصوص التلفونات اللي تشتغل على نظام الاندرويد واللي هن ( سامسونغ (جلكسي) و lg.htc,sony
كنت ادخل المنتدى قبل و استفدت منكم وايد الصراحه، بس اليوم سويت كمن بحث في الانترنت عشان تفهمون الموضوع بشكل اكبر و سويت لي حساب عشان
انبهكن لاني احسكم مجتمعين على ايد وحده لحل مشاكلكم وحبيتكم في الله
قبل كمن اسبوع كنت ويا ربيعتي في باباروتي ويالسات نصور الاكل في برنامج الكيك كالعاده ههههه المهم تمت توصل الااايكات على صديقتي الصدووق وهي مستانسه عقب كمن دقيقه في واحد حسبي الله عليه استفزها وتم يحط عليها
وينرفزها ،المهم ربيعتي عصبت وردت عليه الصاع صاعين ( ملسوونه هههه) الريال اذكر نكه بس ما بحطه في المنتدى ،المهم بعد يومين حطينا فيديو ثاني لاننا كنا طابخات للعشا وبنفس الفيديو وصلني تعليق وواحد حاط رابط شبييه لليوتيوب وانا على نياتي فتحته كان كاتب ( هاذا تعليقي على اكلج شوفيه )
المهم اول ما فتحت الرابط يا خواتي بغيت اموت
طلعت لي صفحه سودا وتم تلفوني معلق وسويت له رستارت،اول ما فتحته وصلت لي رساله على الوتس اب و اول ما فتحت الرساله انصعقت
كان مكتوب فيها ،انا فلان اللي وديتي علي في الفيديو وانا بعاقبج اليوم، اول ما شفت الرساله سكرت التلفون وحطيت رقم ثاني لاني خفت منه يسوي فيني شي ،و الصدمه الكبرا اني اول ما فتحت التلفون شفت التلفون بكبره مفرمت ،صوري ، برامجي ،،العابي كلها راحت ( الحمد الله اني ماكنت مخزنه ارقام اهلي ومب حاطه صور ويهي وصور اهلي ) ومن هاك اليوم تبت وتعمقت في هاذي السوالف وقمت ابحث لمدة اسبوعين في النت عشان اتثقف اكثر و اعرف هاي السوالف،، ،،،،،،
خواتي نظام الاندرويد هو نظام مفتوح المصدر وليس مغلق المصدر حاله حال نظام الوندوز
ومعنى نظام مفتوح المصدر هي ان اي شركه تقدر تستخدم نظام الاندرويد لأجهزتها و اكبر دليل هو ،ان كل شركه يديده تفتح تشوفون نظام الاندرويد موجود على اجهزتها و اكبر دليل الاجهزه اللي موجوده في السوق الصيني كل اجهزتهم من اللي تشبه الايباد و التلفونات تعمل بنظام الاندرويد ،
وبمعنى ثاني
الاندرويد شبيهه للوندوز يفتقر للحمايه (لانه مفتوح المصدر )
و ios اللي متواجده في الايفون و الايباد ومنتجات ابل بشكل عام شبيهه لانظمه الينكس ،اللي تستعملها اغلب الحكومات العالميه لان حمايتها قويه ،وهي من نوع ( النظام مغلق المصدر )
بتقولون شو الفرق بين نظام مفتوح المصدر ونظام مغلق المصدر ؟
نظام مفتوح المصدر يقدر اي حد في العالم يصنع تلفون خاص به ويحط نظام الاندرويد عليه مع دفع تكلفه النظام للشركه الأم اللي هي ( قوقل )
وهاذا النظام قابل للتعديل من قبل المطورين اللي هم خارج الشركه الأم وبنفس الوقت قابل للتحكم من قبل الهكر لان ملفات النظام كلها مفتوحه وسهله
اما النظام المغلق نوعين ، نوع من الانظمه اللي تبيعها الشركه الام مثل ( نظام لينكس ) و النوع الثاني اللي هو نظام ( ios) اللي متواجده في منتجات ابل و كمبيوتراتهم وهي مغلقة المصدر !يعني الشركه الأم هي اللي لها الحق انها تعدل على النظام فقط !
احذروا احذروا احذروا من نظام الاندرويد لانه نظام سهل الاختراق
لا اييكم راعي المحل ويغركم بكلامه ويقول لكم ان الجلكسي او النوت او اي تلفون يشتغل بنظام الاندرويد والي ذكرت اساميهن فوق ،يقول لكم ان الالعاب و البرامج اكثرها ببلاش و الايفون و الايباد و الايبود برامجهم بفلوس ( صح انه شي برامج بفلوس بس ب اسعار رمزيه 3 دراهم للبرنامج وسعر التلفون مش اقل عن 2000 درهم ! وشي بطايق اسمها itunes card موجوده في المحلات لشرا البرامج هاذي )
نظام الاندرويد اللي موجود في الهواتف ( جلكسي و النوت والسامسونغ بشكل عام والتلفونات لللي ذكرتها فوق ) بعد استعماله بفتره شهرين او ثلاث يبدا التلفون يعلق ! لان اكثر البرامج المجانيه يكون فيها اعلانات لو لاحظتوا و اكثر هاذي الاعلانات عباره عن فايروسات تعلق بالجهاز ! والهكرز عندهم المقدره انهم يوهمون الشخص ب اعلان حلو يلفت الشخص عشان يفتحه مثل اللي صار ويا اختنا
الحذار يا بنات صدقوني انصحكم لوجهه الله انكم تخبرون الاشخاص اللي يستعملون هاذي الهواتف بالذات اللي يستخدمن الانستغرام و البرامج الاجتماعيه مثل الفيس بوك و التويتر
الكل يحب يواكب التطور بس التطور لازم نستعمله صح ونحاذر منه وما عليكن من الناس اللي يواكبون الموضه ويركضون ويمدحون السامسونغ و الاندرويد ،فهموا اللي ينصحكم بهاذا الخبر
واللي بتقول انها مب متعوده على الايفون ترا عادي هي مسأله وقت وبتتعودين
نصيحه اللي عنده هاذي التلفونات يتخلص منها وياخذ له تلفون ايفون ويرتاح من عوار الراس و الفضايح تحملوا على عماركن من هاي التلفونات لان الاكثريه عندهم فيس بوك و تويتر و انستغرام وما تعرفين منو اللي ضايفتنه وهل هو هكر ولا انسان عادي
مع السلامه
الموضوع الأساسي: تنبيه هام بخصوص السامسونغ الهواتف الاخرى!!هام
المصدر: منتديات عروس
via عروس http://forums.3roos.com/3roos709088/
Aucun commentaire:
Enregistrer un commentaire